Promotion Period期間我地係Counter放置左唔少遊戲同裝飾，全部都係我地一手一腳設計出黎。其中最為突出既必然係我地既大Dec－扭計蛇。扭計蛇靈活多變，隨時都可以因環境而改變形象，就好似我地每個人都有唔同既唸法，但我地都會識得變通，會因情況而揀出最好既方案。而且扭計蛇係一樣懷舊玩具，我地希望透過扭計蛇令時下年輕人反省快樂其實可以好簡單。因此我地所設計既遊戲、送出既獎品，唔少都同懷舊玩具有關，例如彈彈波機、彈珠台、拳頭槍等等。
IN PROGRESS
Beginning
係一開始，我地對pro p一無所知，個個都有啲怕醜，唔識點yo人，唔知點lead人玩game，唔知點樣set遊戲規則，搞到一日之內換左幾次遊戲規矩，係hall煮野食但拎到出atrium啲野食又已經凍曬，chanting動作又唔太熟悉，一切一切都冇想像中好。
After a Few Days
漸漸我地開始對pro p既一切越黎越熟悉，越黎越上手，係忙碌梗sell人玩game、了解我地之餘，仲識得利用手頭上既souven自娛一下，野食又越黎越多新意，特別係比其他人讚完我地啲dec靚之後，我地個個都自信爆棚，更落力咁yo人！
Valentine's Day
情人節當然係同一班好莊員過啦，為左慶祝情人節既黎到，我地又有新game、又有新souven、又有新dec、又有新影相牌、又有新款野食，仲預備埋即影即有相機同大家留下美好既一刻，就係為左比大家渡過一個暖暖既情人節～
Coming to the End
到最後幾日，我地已經習慣左pro p既生活，每日開counter、整野食、yo人玩game認識Sparkle、dem cheers、派野食、收counter，已經無左開頭既怕醜。
Last Chant
知道係最後一次chanting，我地都嗌得好落力。大太陽底下，每個人都汗流浹背，每個人都好攰，但我地都堅持落去。
Lucky Draw
大抽獎係我地pro p最後一個event，所以我地都不斷宣傳佢，希望有多啲人黎撐場支持我地，慶幸最後都頗為順利、成功。
The End
為期 13 日既pro p咁就結束啦！感激咁多位pro p期間一直支持鼓勵我地既人～
