明珠
我仲好記得當初我會上莊既原因係為左變得忙啲，可以喺呢個感覺好似監獄既地方搵到一班真心既朋友，一齊做啲有意義、呢世都唔會忘記既事，簡單啲咁講，其實就係想搵一啲寄託。我當初幻想既ProP好美好，大家都會好有目標咁一齊為左Sparkle而努力，成件事應該係好熱血，Chur得黎仲有大家喺到互相扶持。當然啦，現實出黎同我想像既野總係有啲唔同，大家之間有唔少既磨擦，有好多唔開心既事發生，令到大家既關係未如理想。有段時間我會諗其實係咪我太理想化，以至到理想同現實會有咁大既落差，嗰時成日都會覺得好無力，唔知應該點做。但而家諗翻轉頭，回想起ProP，我覺得之前既失落感低左好多，除左唔開心，其實都有唔少值得開心既事，大概係因為我唔可以否認，喺ProP呢段時間我自己的確經歷左唔少野，而呢一切其實就係同另外十個莊員既共同回憶。每一日ProP都攰到唔願起身，Chanting嗌到出唔到聲，夜晚做野做到冇得瞓，試過喺後山通頂，喺Seafront放張墊就昏迷左，去到邊都瞓得着，合埋隻眼都記得要痴色紙。我諗我呢世都都真係最後一次做呢啲事啦，至少我就真係冇力再每日Chant一次啦嘻嘻。過完ProP之後，我更明白到其實我地十一個人每個人都一定會有自己既優點缺點，價值觀都唔一樣，有時候分歧可能會大到唔知點解決，但喺呢到我希望同大家講翻聲，好多謝你地既體諒。我知道我唔係一個稱職既P，可能唔夠嚴肅唔夠認真唔夠有條理，如果要數不足既話都真係可以數好耐，好多問題歸根究底都好似係我做得唔夠好而引起。好啦，過埋呢篇文之後，我地就要一齊向前看啦！唔再講過去，我地要專注未來！我仍然係風趣幽默平易近人既曾明珠！我深信，只要我地呢十一個人一齊努力，未來呢一年一定會係畢生難忘既一年。人人都話喺大學裡面好難搵到一班一世既朋友，因為好難搵到一個契機去同一班人熟，但我相信上四蛇呢支莊會唔同，我信一年之後既我地會係好朋友。我記得我話過，喺四蛇入面做過既事係我喺科大入面做過最開心既事，我相信黎緊呢一年都會係，我亦希望睇到黎呢到既你都會咁覺得，包括親愛既莊員。Sparklers寶寶以後要一齊努力知嘛！
FEELINGS
豬欣
啱啱入黎科大仲係一個薯仔，上莊做咩都唔知，就盲中中join左sub com，盲中中就上埋莊。第一個挑戰就係每日都返科大整dec，我其實一啲藝術天份都無，結果果陣日日都要發揮我既小宇宙，整左唔少既影相板，畫左一大隻勞蘇出黎，引以為榮！雖然成日無得返屋企見家人，但就多左好多時間同呢班大細路日見夜見，呢班大細路原來好鐘意人tum，成日扭計，IV都真係幾難做，但大家都係我唔想放棄既人，prop p 大家都為支莊付出左好多，每日都好忙，都無咩機會時間同大家hea下玩下，好難得成班莊員都鐘意唱歌食野訓教啱哂我，我呢就諗住周不時捉大家去打下波，睇下戲，享受下同大家相處既時間，宜家可明為咩，但我深信我地一齊努力過既每件事都係我地以後珍貴既回憶，充滿意義！
Sunny
話咁快都就四個月啦，諗返起傾莊果陣，大家都是啱啱相識，當時對上莊既概念未太全面，只係覺得會有一班人一齊做野一齊玩。之後成莊，預備宣佈期的時候，起初大家都憑一份熱血，盲摸摸咁去做，搞出唔少大頭佛，諗起都真係得啖笑。一月份最後果個星期好凍，果陣仲有一大堆野要做，露天晚晚通頂砌大Dec，好辛苦。果期仲要過年，到左年三十晚朝早各自先執野返屋企過節，隔一日晚又要返黎科大了，連見屋企人既時間都冇，都唔知一直點捱過黎既哈哈。之後宣傳期終於黎，每日都要見好多人，大家慢慢便養成八面玲瓏的態度，仲識到好多新朋友。每朝早起身連平時自己上堂都冇咁準時，日日頂住烈日、吹住寒風係火雞前叫莊。上莊真係殊不簡單，好多大大小小的決定、構思都要由自己做。雖然辛苦，但捱過左諗返起都係一珍貴既心意同回憶。回望過去，展望未來，Pro P只係一個熱身，黎緊就由我地繼續為四蛇增添色彩，發光發熱！
Kary
講真個句，由com莊到完pro p短短兩個月，比我既感覺已經係一年咁長，而哩「一年」入面，我放棄左唔少時間金錢，但唸真啲pro p都有唔少值得懷念既地方。Prep pro p期間，我地11個人每日都要返黎ust開會、做野，開始既時候只係朝十晚十，到後來我地更係沒日沒夜咁趕工，忙到連朋友、屋企人都無時間見面。哩兩個月以黎，無藝術天份、創意能力為零既我要幫手整影相牌、大大細細既games，口才唔好又怕醜既我要同啲唔識既人傾計、yo佢地翻counter，pro p前就病左既我都要照樣chanting、hold games，第一次成日都唔沖涼唔刷牙，第一次屈蛇訓Lc訓common訓atrium。聽落好chur好攰，但我唔會唔記得我地一班莊員一齊去執珍珠板、m玩具，一齊係common播著歌做野然後大合唱，一齊通頂、挨餓、守common，一齊係Lc背cons結果睇左幾頁大家都頂唔順訓著左，一齊係大太陽底下chanting chant到每個人都就黎中暑，一齊玩cream慶祝莊員生日既美好回憶。Pro p雖然辛苦，無想像中熱血，但識到你地，同你地一齊挨過哩兩個月的確係我既榮幸。感激每位Sparklers對我既包容同體諒，黎梗我地仲有一年時間要並肩作戰，希望大家一年後都唔會後悔上莊哩個決定。
Desmond
Prop呢個時期真係可以話係有血有淚。大家一開始係雄心壯志咁去籌備prop可以整啲咩好玩又搶眼既game或者dec俾其他人玩，果時大家都好俾心機咁去整每一part，逐少逐少咁去整成一隻game，尤其係整大dec，到舊dec成左型砌好左，其他人都話好靚好大果時真係好有成功感。之所以話係有血有淚既就當然係有為到呢個prop而流過血同淚啦～大家都會因為整好個製成品但係出來既結果唔好或者係後來冇用而變左要放棄，大家都會覺得傷心，覺得一切都徒勞無功，加上大家都係到整dec既時候會整傷整損，仲要搞到冇得訓又冇精神，不過就係因為大家都一齊努力捱落去所以先令到呢個prop成功而且仲係一次難忘既經驗。
Tracy
Pro-p期間有幾chur真係要經歷過先知，雖然辛苦但係11個人一齊熬就好快過。記得個時成日俾人嫌棄整d野唔靚唔收貨，但係都係因為佢地既執著我地整出黎既野先會咁靚、咁多人讚。雖然有好多野都唔係我整出黎，但係聽到人地讚我地都會好自豪。黎緊仲會面對好多好多既困難，但係我相信只要我地keep住個團火，11個人團結一齊撐住，大家一年後一定唔會後悔今日揀左上莊依個決定，我相信我地11個人係未來一年既莊期入面可以製造更加多屬於我地既回憶。
Fung
成個Promotion Period都係熱血的來，熱血的去。一開始Pre-Pro P 由零開始都係自己Nom莊去Plan，無從入手，眼見有幾個星期Pre-Pro P的時間，好似好長，但係整起野上黎原來得好少時間。
最深刻既係去會展、工展會拎珍珠板的果段時期，唔好睇少啲珍珠板好輕咁，大塊起上黎真係唔講得小，一個人要拎十幾二十塊，又拎到手軟，又要唔好整爛，果段時期應該最難捱。
到左整game的果段時期真係好考起創意同埋整野既能力，整得輕但又會易爛，整得重又難搬，三日要整到一個game的原意就係為左Pro P每日轉game，最後係pro p都聽到有人講我地啲game有創意，都覺得pre-pro p係值得既。
到左pro p果陣，同其他soc完全唔熟，有啲似鄰居的感覺。係果段時期最驚係啲dec同埋game會爛，如果係玩玩下的中途爛左都唔知點算。係chanting 的時期係成個pro p 最熱血的時期，但又係放棄自己把聲的時期，為左嗌得大聲過隔離soc可以去到幾盡。成個pro p 的時期好緊張自己整出黎的野同埋plan 出黎的野會舉行唔到，最後都好成功咁搞掂左。
Bryan
呢兩個月可以話係我人生中最chur最癲嘅兩個月。依家諗番轉頭Pro p又好似一眨眼間就過咗去嘅真咁。不過我仲好記得當時通住頂係common同後山整dec嘅我成日都覺得呢個pro p好似永遠都唔會完咁。
仲記得chanting chant到聲到沙晒之後仲要去yo人。今日晨咁早天都未光就已經要起身去煮野食。老實講我依家諗番起都唔知點解可以捱過去，要我講番當時有幾咁辛苦、幾咁攰、幾想放棄、幾想癱係到瞓多陣我諗要我講幾日講唔完。可能就係因為身邊有10個同你日對夜對陪你pre咗成個月pro p嘅莊員係身邊陪你一齊捱、一齊癲，先至令我可以撐到尾。呢個pro p裏面我最大嘅得著一定係識到呢10個「唔正常」嘅莊員，我諗真係好難再揾到班肯咁樣陪我癲嘅人。或者有時我地會因為大家意見唔啱有啲摩擦，不過轉頭又變番班攬頭攬頸既好莊員，呢段時間裏面大家都成長咗好多好多。
亦都好多謝咁多位上莊，四蛇member嘅支持，你地嘅鼓勵令到Sparkle不斷進步。
呢兩個月確實唔易過，不過慶幸嘅未來一年嘅莊期我有10個至warm莊員陪住我一齊努力。
DC
要講到Pro p感想，真係唔知講咩好。在還未開似準備Pro p既時候，大概係2016年尾，仍未至於而家咁忙到無咩時間跟朋友聚聚。約出來fing個陣周不時會回想起血戰DSE既時光，唔知道點解我們都不約而同覺得已經考完一段好長好長既時間，淨返既印象好模糊。可能係已經唔想再回想起生死試個種沈重既壓力同疲憊所以潛意識封鎖左呢段記憶都唔定。講左百幾字，其實都係要尼類比Pro p。實在同預期既落差太大喇！由info sess聽上莊分享上年Pro p熱血青春既點點滴滴，到com莊時滿腦子只有快點和理想莊圓熱血拼搏既願望，到真實經歷2017 Sparkle既Pro p。準備Pro p時朝十晚十甚至更夜，Pro p時每天不僅白天hold game yo人，夜晚還要趕進度搞到得返三四個鐘睡眠。當然開心既碎影片段都係有既，只不過相比起尼只不過係亂世中的一顆塵埃啊！打打吓，咦？咩記憶模糊啊，咪諗返起好多衰野囉。但係點解，當我睇返啊P整出尼既低質Pro p紀念片，又或者係wtsapp gp大家無聊send出尼既Pro p樣衰相既時候，我都會嘴角不自覺會上揚既呢？我想講既野就係呢度。無錯，其實咁先係真正既記憶模糊，因為身在模糊記憶的我睇看不穿當中的美好。人就係咁，細個半杯水既道理都聽到厭，但永遠只係睇到有咩做得唔好，有咩缺憾，因此失去了笑容。做莊員亦然。莊員不同朋友，總有互相合作做正事既時候，亦自有磨擦。如果睇唔到對方的付出，努力，就永遠唔能夠成為好莊員，只會覺得對方係freerider，落莊後淪為hi-bye friend。多意識到身邊的美好，也許會活得開心點。
廢up左一輪，其實Pro p都係好粗口辛苦＃％@& (@％@)
明珠
我仲好記得當初我會上莊既原因係為左變得忙啲，可以喺呢個感覺好似監獄既地方搵到一班真心既朋友，一齊做啲有意義、呢世都唔會忘記既事，簡單啲咁講，其實就係想搵一啲寄託。我當初幻想既ProP好美好，大家都會好有目標咁一齊為左Sparkle而努力，成件事應該係好熱血，Chur得黎仲有大家喺到互相扶持。當然啦，現實出黎同我想像既野總係有啲唔同，大家之間有唔少既磨擦，有好多唔開心既事發生，令到大家既關係未如理想。有段時間我會諗其實係咪我太理想化，以至到理想同現實會有咁大既落差，嗰時成日都會覺得好無力，唔知應該點做。但而家諗翻轉頭，回想起ProP，我覺得之前既失落感低左好多，除左唔開心，其實都有唔少值得開心既事，大概係因為我唔可以否認，喺ProP呢段時間我自己的確經歷左唔少野，而呢一切其實就係同另外十個莊員既共同回憶。每一日ProP都攰到唔願起身，Chanting嗌到出唔到聲，夜晚做野做到冇得瞓，試過喺後山通頂，喺Seafront放張墊就昏迷左，去到邊都瞓得着，合埋隻眼都記得要痴色紙。我諗我呢世都都真係最後一次做呢啲事啦，至少我就真係冇力再每日Chant一次啦嘻嘻。過完ProP之後，我更明白到其實我地十一個人每個人都一定會有自己既優點缺點，價值觀都唔一樣，有時候分歧可能會大到唔知點解決，但喺呢到我希望同大家講翻聲，好多謝你地既體諒。我知道我唔係一個稱職既P，可能唔夠嚴肅唔夠認真唔夠有條理，如果要數不足既話都真係可以數好耐，好多問題歸根究底都好似係我做得唔夠好而引起。好啦，過埋呢篇文之後，我地就要一齊向前看啦！唔再講過去，我地要專注未來！我仍然係風趣幽默平易近人既曾明珠！我深信，只要我地呢十一個人一齊努力，未來呢一年一定會係畢生難忘既一年。人人都話喺大學裡面好難搵到一班一世既朋友，因為好難搵到一個契機去同一班人熟，但我相信上四蛇呢支莊會唔同，我信一年之後既我地會係好朋友。我記得我話過，喺四蛇入面做過既事係我喺科大入面做過最開心既事，我相信黎緊呢一年都會係，我亦希望睇到黎呢到既你都會咁覺得，包括親愛既莊員。Sparklers寶寶以後要一齊努力知嘛！
FEELINGS
豬欣
啱啱入黎科大仲係一個薯仔，上莊做咩都唔知，就盲中中join左sub com，盲中中就上埋莊。第一個挑戰就係每日都返科大整dec，我其實一啲藝術天份都無，結果果陣日日都要發揮我既小宇宙，整左唔少既影相板，畫左一大隻勞蘇出黎，引以為榮！雖然成日無得返屋企見家人，但就多左好多時間同呢班大細路日見夜見，呢班大細路原來好鐘意人tum，成日扭計，IV都真係幾難做，但大家都係我唔想放棄既人，prop p 大家都為支莊付出左好多，每日都好忙，都無咩機會時間同大家hea下玩下，好難得成班莊員都鐘意唱歌食野訓教啱哂我，我呢就諗住周不時捉大家去打下波，睇下戲，享受下同大家相處既時間，宜家可能唔明為咩，但我深信我地一齊努力過既每件事都係我地以後珍貴既回憶，充滿意義！
Sunny
話咁快都就四個月啦，諗返起傾莊果陣，大家都是啱啱相識，當時對上莊既概念未太全面，只係覺得會有一班人一齊做野一齊玩。之後成莊，預備宣佈期的時候，起初大家都憑一份熱血，盲摸摸咁去做，搞出唔少大頭佛，諗起都真係得啖笑。一月份最後果個星期好凍，果陣仲有一大堆野要做，露天晚晚通頂砌大Dec，好辛苦。果期仲要過年，到左年三十晚朝早各自先執野返屋企過節，隔一日晚又要返黎科大了，連見屋企人既時間都冇，都唔知一直點捱過黎既哈哈。之後宣傳期終於黎，每日都要見好多人，大家慢慢便養成八面玲瓏的態度，仲識到好多新朋友。每朝早起身連平時自己上堂都冇咁準時，日日頂住烈日、吹住寒風係火雞前叫莊。上莊真係殊不簡單，好多大大小小的決定、構思都要由自己做。雖然辛苦，但捱過左諗返起都係一珍貴既心意同回憶。回望過去，展望未來，Pro P只係一個熱身，黎緊就由我地繼續為四蛇增添色彩，發光發熱！
Kary
講真個句，由com莊到完pro p短短兩個月，比我既感覺已經係一年咁長，而哩「一年」入面，我放棄左唔少時間金錢，但唸真啲pro p都有唔少值得懷念既地方。Prep pro p期間，我地11個人每日都要返黎ust開會、做野，開始既時候只係朝十晚十，到後來我地更係沒日沒夜咁趕工，忙到連朋友、屋企人都無時間見面。哩兩個月以黎，無藝術天份、創意能力為零既我要幫手整影相牌、大大細細既games，口才唔好又怕醜既我要同啲唔識既人傾計、yo佢地翻counter，pro p前就病左既我都要照樣chanting、hold games，第一次成日都唔沖涼唔刷牙，第一次屈蛇訓Lc訓common訓atrium。聽落好chur好攰，但我唔會唔記得我地一班莊員一齊去執珍珠板、m玩具，一齊係common播著歌做野然後大合唱，一齊通頂、挨餓、守common，一齊係Lc背cons結果睇左幾頁大家都頂唔順訓著左，一齊係大太陽底下chanting chant到每個人都就黎中暑，一齊玩cream慶祝莊員生日既美好回憶。Pro p雖然辛苦，無想像中熱血，但識到你地，同你地一齊挨過哩兩個月的確係我既榮幸。感激每位Sparklers對我既包容同體諒，黎梗我地仲有一年時間要並肩作戰，希望大家一年後都唔會後悔上莊哩個決定。
Desmond
Prop呢個時期真係可以話係有血有淚。大家一開始係雄心壯志咁去籌備prop可以整啲咩好玩又搶眼既game或者dec俾其他人玩，果時大家都好俾心機咁去整每一part，逐少逐少咁去整成一隻game，尤其係整大dec，到舊dec成左型砌好左，其他人都話好靚好大果時真係好有成功感。之所以話係有血有淚既就當然係有為到呢個prop而流過血同淚啦～大家都會因為整好個製成品但係出來既結果唔好或者係後來冇用而變左要放棄，大家都會覺得傷心，覺得一切都徒勞無功，加上大家都係到整dec既時候會整傷整損，仲要搞到冇得訓又冇精神，不過就係因為大家都一齊努力捱落去所以先令到呢個prop成功而且仲係一次難忘既經驗。
Tracy
Pro-p期間有幾chur真係要經歷過先知，雖然辛苦但係11個人一齊熬就好快過。記得個時成日俾人嫌棄整d野唔靚唔收貨，但係都係因為佢地既執著我地整出黎既野先會咁靚、咁多人讚。雖然有好多野都唔係我整出黎，但係聽到人地讚我地都會好自豪。黎緊仲會面對好多好多既困難，但係我相信只要我地keep住個團火，11個人團結一齊撐住，大家一年後一定唔會後悔今日揀左上莊依個決定，我相信我地11個人係未來一年既莊期入面可以製造更加多屬於我地既回憶。
Fung
成個Promotion Period都係熱血的來，熱血的去。一開始Pre-Pro P 由零開始都係自己Nom莊去Plan，無從入手，眼見有幾個星期Pre-Pro P的時間，好似好長，但係整起野上黎原來得好少時間。
最深刻既係去會展、工展會拎珍珠板的果段時期，唔好睇少啲珍珠板好輕咁，大塊起上黎真係唔講得小，一個人要拎十幾二十塊，又拎到手軟，又要唔好整爛，果段時期應該最難捱。
到左整game的果段時期真係好考起創意同埋整野既能力，整得輕但又會易爛，整得重又難搬，三日要整到一個game的原意就係為左Pro P每日轉game，最後係pro p都聽到有人講我地啲game有創意，都覺得pre-pro p係值得既。
到左pro p果陣，同其他soc完全唔熟，有啲似鄰居的感覺。係果段時期最驚係啲dec同埋game會爛，如果係玩玩下的中途爛左都唔知點算。係chanting 的時期係成個pro p 最熱血的時期，但又係放棄自己把聲的時期，為左嗌得大聲過隔離soc可以去到幾盡。成個pro p 的時期好緊張自己整出黎的野同埋plan 出黎的野會舉行唔到，最後都好成功咁搞掂左。
Bryan
呢兩個月可以話係我人生中最chur最癲嘅兩個月。依家諗番轉頭Pro p又好似一眨眼間就過咗去嘅真咁。不過我仲好記得當時通住頂係common同後山整dec嘅我成日都覺得呢個pro p好似永遠都唔會完咁。
仲記得chanting chant到聲到沙晒之後仲要去yo人。今日晨咁早天都未光就已經要起身去煮野食。老實講我依家諗番起都唔知點解可以捱過去，要我講番當時有幾咁辛苦、幾咁攰、幾想放棄、幾想癱係到瞓多陣我諗要我講幾日講唔完。可能就係因為身邊有10個同你日對夜對陪你pre咗成個月pro p嘅莊員係身邊陪你一齊捱、一齊癲，先至令我可以撐到尾。呢個pro p裏面我最大嘅得著一定係識到呢10個「唔正常」嘅莊員，我諗真係好難再揾到班肯咁樣陪我癲嘅人。或者有時我地會因為大家意見唔啱有啲摩擦，不過轉頭又變番班攬頭攬頸既好莊員，呢段時間裏面大家都成長咗好多好多。
亦都好多謝咁多位上莊，四蛇member嘅支持，你地嘅鼓勵令到Sparkle不斷進步。
呢兩個月確實唔易過，不過慶幸嘅未來一年嘅莊期我有10個至warm莊員陪住我一齊努力。
DC
要講到Pro p感想，真係唔知講咩好。在還未開似準備Pro p既時候，大概係2016年尾，仍未至於而家咁忙到無咩時間跟朋友聚聚。約出來fing個陣周不時會回想起血戰DSE既時光，唔知道點解我們都不約而同覺得已經考完一段好長好長既時間，淨返既印象好模糊。可能係已經唔想再回想起生死試個種沈重既壓力同疲憊所以潛意識封鎖左呢段記憶都唔定。講左百幾字，其實都係要尼類比Pro p。實在同預期既落差太大喇！由info sess聽上莊分享上年Pro p熱血青春既點點滴滴，到com莊時滿腦子只有快點和理想莊圓熱血拼搏既願望，到真實經歷2017 Sparkle既Pro p。準備Pro p時朝十晚十甚至更夜，Pro p時每天不僅白天hold game yo人，夜晚還要趕進度搞到得返三四個鐘睡眠。當然開心既碎影片段都係有既，只不過相比起尼只不過係亂世中的一顆塵埃啊！打打吓，咦？咩記憶模糊啊，咪諗返起好多衰野囉。但係點解，當我睇返啊P整出尼既低質Pro p紀念片，又或者係wtsapp gp大家無聊send出尼既Pro p樣衰相既時候，我都會嘴角不自覺會上揚既呢？我想講既野就係呢度。無錯，其實咁先係真正既記憶模糊，因為身在模糊記憶的我睇看不穿當中的美好。人就係咁，細個半杯水既道理都聽到厭，但永遠只係睇到有咩做得唔好，有咩缺憾，因此失去了笑容。做莊員亦然。莊員不同朋友，總有互相合作做正事既時候，亦自有磨擦。如果睇唔到對方的付出，努力，就永遠唔能夠成為好莊員，只會覺得對方係freerider，落莊後淪為hi-bye friend。多意識到身邊的美好，也許會活得開心點。
廢up左一輪，其實Pro p都真係好辛苦 T^T
Lily
當我每次回想起Pro P果陣嘅經歷，心入面都會問一句，究竟果陣嘅我地係點樣挨過去？記得果陣，大家每一日都係一副唔夠訓就黎死嘅樣翻黎整dec整game，每一日都有人嗌辛苦，嗌肚餓，但隻手仲係度介緊紙皮珍珠板唔去買野食。天氣凍到傻左果陣，各位包到成隻稯咁都仲係出面整緊大dec唔停手。Pro p果陣，大家又要係咁厚住面皮叫人黎玩game，影相，塞leaflet比人。Chanting chant到想死果陣，總有莊員會買水遞到你面前。其實大家嘅付出每個人都知道，只係我地支莊都唔鍾意用言語去表達自己嘅感受，包括我哈哈。Pro P的確係chur，但有住莊員們嘅陪伴，你幫我一次，我又幫翻你一次嘅舉動，其實就係我地挨到過去嘅動力。我唔敢講，係Pro P期間我過得好開心，但我從來都冇後悔過上莊。莊員們，我地一齊加油啦！其實我還是很愛你們的呢;)
Jacky
回望翻呢兩個月，由prep prop到正式prop，經歷過嘅野我諗都夠寫本書出黎。
如果你呢刻要問我嗰兩個月的經歴究竟代表啲乜，我會話嗰段日子雖然會放棄咗好多野，冇咗好多見屋企人同朋友嘅時間，冇得掂一啲自己平時鐘意做嘅野，冇咗好多瞓同抖嘅嘅時間，三餐唔定時，試過冇食好多餐，又試過成個禮拜係common 整dec冇換衫，去到prop每日已經瞓唔多第二日仲要厚住塊面皮去yo人，你話唔辛苦就假。但係過咗呢段日子，有時喺街行行下諗翻起竟然會笑咗出黎，會記得嗰段時間邊個莊員做過邊啲嘅戇居事，數之不盡del極仲有嘅黑圖，會記得自己病咗莊員叫自己翻hall抖下嗰一刻嘅溫暖，仲有prop期間並肩作戰經歷咗咁多挫折仍然冇選擇過退縮嘅咁多位莊員，我相信我地有能力可以繼續行埋落去！